Loading

wait a moment

YS Jaganని చూస్తే జాలేస్తోంది.. ఆ ఫ్యాన్ ఎంత తిప్పినా తిరగదు: లోకేష్

ప్రతిపక్ష నేత జగన్‌ను చూస్తే జాలేస్తోందన్నారు మంత్రి లోకేష్. ఆయన చేతిలో ఓ ఫ్యాన్‌ పట్టుకొని తిరుగుతున్నారని.. కానీ ఆ ఫ్యాన్‌ తిరగదన్నారు. ఆ ఫ్యాన్‌ స్విచ్‌ ప్రధాని మోడీ దగ్గరుంటే.. రెగ్యులేటర్‌ తెలంగాణ ముఖ్యమంత్రి కేసీఆర్‌ దగ్గరుందని ఎద్దేవా చేశారు.

హైలైట్స్

  • మోదీ కియా మోటర్స్ ఏపీలో పెట్టాలని లేఖ రాశారా
  • మోదీ కియా ఏపీకి తెచ్చారనడం దుర్మార్గం
  • బాబు కృషి, పట్టుదలతోనే కియా పరిశ్రమ వచ్చింది

ఏపీకి కియా మోటార్స్‌ను నరేంద్ర మోదీ తీసుకొచ్చారని జగన్ చెప్పడం దుర్మార్గమన్నారు మంత్రి నారా లోకేష్. చంద్రబాబు కృషి, పట్టుదలతోనే అనంతపురంలో పరిశ్రమ ఏర్పాటు చేశారన్నారు. కియా మోటార్స్విషయంలో జగన్ వ్యాఖ్యలు దారుణంగా ఉన్నాయని.. మోదీ ఏనాడైనా కియా మోటార్స్ ఏపీలో పెట్టాలని లేఖ రాశారా అని ప్రశ్నించారు. మంగళగిరి నియోజకవర్గంలో ఎన్నికల ప్రచారంలో పాల్గొన్న లోకేష్.. జగన్‌పై విరుచుకుపడ్డారు. 

ప్రతిపక్ష నేత జగన్‌ను చూస్తే జాలేస్తోందన్నారు మంత్రి లోకేష్. ఆయన చేతిలో ఓ ఫ్యాన్‌ పట్టుకొని తిరుగుతున్నారని.. కానీ ఆ ఫ్యాన్‌ తిరగదన్నారు. ఆ ఫ్యాన్‌ స్విచ్‌ ప్రధాని మోడీ దగ్గరుంటే.. రెగ్యులేటర్‌ తెలంగాణ ముఖ్యమంత్రి కేసీఆర్‌ దగ్గరుందని ఎద్దేవా చేశారు. కేసీఆర్‌తో కలిసి ఆంధ్రప్రదేశ్‌పై కుట్రలు చేస్తున్నారని.. ఓటుతో వారికి బుద్ధి చెప్పాలని పిలుపునిచ్చారు లోకేష్. 

రాష్ట్రంలో సంక్షేమ పథకాలు ఇలాగే అమలు కావాలంటే మళ్లీ టీడీపీ అధికారంలోకి రావాలన్నారు లోకేష్. ఇంటికి పెద్ద కొడుకుగా వృద్ధులకు ఫించన్లు.. మహిళలకు అన్నగా పసుపు-కుంకమ ఇచ్చిన ఘనత చంద్రబాబుకే దక్కుతుందన్నారు. అన్నదాత సుఖీభవతో రైతులకు అండగా నిలిచారని.. మరోసారి చంద్రబాబుకు ముఖ్యమంత్రిగా అవకాశం ఇవ్వాలని కోరారు

Leave a Reply

Your email address will not be published. Required fields are marked *