Loading

wait a moment

జగన్ భళ్లాలదేవుడు, మోదీ బిజ్జలదేవుడు: బాబు.. మరి బాహుబలి ఎవరంటే?

మోదీ తనను భళ్లాలదేవుడితో పోల్చడం పట్ల చంద్రబాబు ఘాటుగా స్పందించారు. జగన్‌ను భళ్లాలదేవుడితో పోల్చిన ఆయన మోదీని బిజ్జలదేవుడిగా అభివర్ణించారు. మోదీపై బాబు విమర్శల వర్షం కురిపించారు.

హైలైట్స్

  • మోదీ తనను భళ్లాలదేవుడితో పోల్చడం పట్ల చంద్రబాబు ఘాటుగా స్పందించారు.
  • జగన్‌ను భళ్లాలదేవుడితో పోల్చిన ఆయన మోదీని బిజ్జలదేవుడిగా అభివర్ణించారు.
  • మోదీపై బాబు విమర్శల వర్షం కురిపించారు.

సోమవారం రాత్రి చిత్తూరులో ఎన్నికల ప్రచారం నిర్వహించిన చంద్రబాబు నాయుడు.. జగన్‌ను భళ్లాలదేవుడితో, ప్రధాని మోదీని బిజ్జలదేవుడితో పోల్చారు. మోదీ తనను భళ్లాలదేవుడితో పోల్చినందుకు బదులుగా చంద్రబాబు ఈ వ్యాఖ్యలు చేశారు. ఏపీలో అడుగుపెట్టే అర్హత ప్రధాని మోదీకి లేదన్న ఆయన.. ఐదేళ్లకు ముందు తిరుపతి వెంకన్న సాక్షిగా ప్రత్యేక హోదా ఇస్తానని మోదీ మాటిచ్చిన విషయాన్ని గుర్తు చేశారు. ‘రాష్ట్రాన్ని ఆదుకుంటానన్నారు. విభజన హామీలను నెరవేరుస్తానన్నారు. కానీ రాష్ట్రానికి అన్యాయం చేసిన నమ్మక ద్రోహి మీరు.. నేను యూటర్న్ తీసుకునాన్నంటారా?’ అని బాబు ప్రశ్నించారు. 

మీకు ఊడిగం చేయడానికి నేను సిద్ధంగా లేను. జగన్ ఊడిగం చేస్తాను. మాకు న్యాయం చేయకపోతే మీ గుండెల్లో నిద్రపోతానని మోదీని ఉద్దేశించి బాబు వ్యాఖ్యలు చేశారు. ఆంధ్ర ప్రజలే బహుబలి అన్న చంద్రబాబు.. ఈ విలన్‌కు తండ్రి బిజ్జలదేవుడు ప్రధాని మోదీ అని విమర్శించారు. భళ్లాలదేవుడు, బిజ్జలదేవుడు కలిసినా మమ్మల్ని ఏమీ చేయలేరన్నారు. 25 ఎంపీ సీట్లు, 175 అసెంబ్లీ స్థానాలు గెలిచి బాహుబలి సత్తా ఏంటో చూపిద్దామన్నారు. ప్రధాని మోదీ స్థాయికి తగట్టుగా నడుచుకోవడం లేదన్నారు. మోదీ ఒకటంటే.. నేను పది అంటానన్నారు. 

మోదీకి భార్య ఉంది కానీ చెప్పుకోడు. తల్లిని ఇంట్లోకి తెచ్చుకోడు. కరుణానిధికి ఒంట్లో బాగోలేకపోతే.. ఢిల్లీకి రా.. మా ఇంట్లో ఉండన్న మోదీ.. తల్లిని మాత్రం ఇంటికి తెచ్చుకోడని బాబు విమర్శించారు. హెరిటేజ్‌పై మోదీ విమర్శలు చేయడం పట్ల బాబు స్పందించారు. హెరిటేజ్‌ను నా భార్య విజయవంతంగా నడపడటం పట్ల గర్విస్తున్నానన్నారు. 

Leave a Reply

Your email address will not be published. Required fields are marked *