Loading

wait a moment

పవర్‌స్టార్‌ని కాదు.. ప్రజా సేవకుడిని: పవన్

ప్రజా సమస్యలపై చర్చించేందుకు అసెంబ్లీకి వెళ్లని జగన్ సీఎం అయితే ప్రజలకు ఏం చేస్తారని పవన్ ప్రశ్నించారు. ప్రస్తుత పాలకుల వ్యవహారశైలితో యువత భవిష్యత్ ఏమవుతుందోనని ఆందోళన పడ్డానని, అందుకే రాజకీయాల్లోకి వచ్చానని పవన్ తెలిపారు.

హైలైట్స్

  • నేనిప్పుడు పవర్‌స్టార్‌ని కాదు.. ప్రజా సేవకుడిని- పవన్ కళ్యాణ్
  • యువత భవిష్యత్ కోసమే రాజకీయాల్లోకి వచ్చాను
  • అధికారంలోకి వచ్చిన ఆరు నెలల్లోపే 3లక్షల ఉద్యోగాలు భర్తీ చేస్తాం

తాను పవర్ స్టార్‌ని కాదని, ప్రజల భవిష్యత్‌ను నిర్మించే సైనికుడినని అన్నారు జనసేన అధినేత పవన్‌కళ్యాణ్. రెండేళ్ల జైలులో ఉండొచ్చిన జగన్ సీఎం కావాలని అనుకుంటున్నప్పుడు, ప్రజల కోసం పనిచేస్తున్న జనసైనికులు పదవులు కావాలని కోరుకోవడంతో తప్పులేదన్నారు. విశాఖ జిల్లా ఎలమంచిలిలో నిర్వహించిన ఎన్నిలక ప్రచారసభలో ఆయన మాట్లాడుతూ.. ఆంధ్రప్రదేశ్‌ ప్రజలు మార్పు కోరుకుంటున్నారని అన్నారు. 

ప్రజా సమస్యలపై చర్చించేందుకు అసెంబ్లీకి వెళ్లని జగన్ సీఎం అయితే ప్రజలకు ఏం చేస్తారని పవన్ ప్రశ్నించారు. టీడీపీ, వైసీపీ నేతలు ఒకరిపై ఒకరు అవినీతి ఆరోపణల చేసుకుంటున్నారంటే ఆ రెండు పార్టీలు అవినీతికి పాల్పడినట్లే కాదా? అని పేర్కొన్నారు. విశాఖ డెయిరీని ప్రైవేటుపరం చేసేందుకు ప్రస్తుత పాలకులు ప్రయత్నిస్తున్నారని ఆరోపించారు. జనసేన అధికారంలోకి వస్తే రాష్ట్రంలోని సెజ్‌లలో 50శాతం ఉద్యోగాలు స్థానిక యువతీయువకులకే ఇస్తామని, ప్రతి కుటుంబానికి నెలకు రూ.10వేల ఆదాయం వచ్చేలా చర్యలు తీసుకుంటామన్నారు. 

ప్రస్తుత పాలకుల వ్యవహారశైలితో యువత భవిష్యత్ ఏమవుతుందోనని ఆందోళన పడ్డానని, అందుకే రాజకీయాల్లోకి వచ్చానని పవన్ తెలిపారు. తాము అధికారంలోకి వచ్చిన ఆరు నెలల్లోపే 3లక్షల ఉద్యోగాలు భర్తీ చేసి యువతకు అంతగా నిలుస్తామని హామీ ఇచ్చారు. 60ఏళ్లు దాటిన వృద్ధులకు, 58ఏళ్లు నిండిన మత్స్యకారులకు నెలకు రూ.5వేల పెన్షన్ ఇస్తామని హామీ ఇచ్చారు. పవన్‌కళ్యాణ్ ఇప్పుడు పవర్ స్టార్ కాదని, ప్రజలందరిని చూసుకోవాల్సిన బాధ్యత గల సేవకుడని ఆయన అన్నారు. 

Leave a Reply

Your email address will not be published. Required fields are marked *