Loading

wait a moment

నా దృష్టిలో కొడుకు, కుక్క ఒక్కటే: నటి మలైకా

తన దృష్టిలో కొడుకు, కుక్క ఒక్కటేనని అంటోంది ఐటెం డ్యాన్సర్ మలైకా అరోరా. మొదటి భర్తతో కుమారుడికి జన్మనిచ్చిన మలైకాకు ఇద్దరూ సమానమేనని అంటున్నారు.

కొందరు పెంపుడు జంతువులను ఇంట్లోవారితో సమానంగా చూస్తారు. ఇక కుక్కల్ని పెంచుకునే వారైతే మరీనూ. కావాలంటే ఇంట్లో వారినైనా పట్టించుకోవడం మానేస్తారేమో కానీ కుక్కల కోసం 24 గంటలూ సమయం కేటాయించడానికి కూడా సిద్ధపడుతుంటారు. ప్రముఖ బాలీవుడ్ ఐటెం డ్యాన్సర్ మలైకా అరోరా కూడా డాగ్ లవరే. క్యాస్పర్ అనే పొమేరియన్ జాతికి చెందిన కుక్కను మలైకా ఎంతో ప్రాణంగా పెంచుకుంటున్నారు. ఆమెకు క్యాస్పర్ అంటే ఎంత ఇష్టమంటే రెండో కొడుకులా చూసుకుంటారు. అందులో ఎంతమాత్రం తప్పులేదు. కానీ తనకు కొడుకు, కుక్క ఇద్దరూ ఒక్కటేనని మలైకా ఓ ఇంటర్వ్యూలో వెల్లడించడం వివాదాస్పదమైంది.

నా కొడుక్కి ఇప్పుడు 17 ఏళ్లు. పెంపుడు జంతువులంటే ఇష్టం ఉన్నవారు వాటిని కూడా కుటుంబంలో భాగంగా చూస్తారు. నాకు నా కుక్క క్యాస్పర్ కూడా అంతే. నాకు క్యాస్పర్, నా కొడుకు సమానమే. ఒక్కోసారి నా కడుకు అర్హాన్ వాడికంటే కుక్కకే ఎక్కువ ప్రేమను పంచుతుంటానని బాధపడుతుంటాడు. అమ్మా.. నీకు నేను ఎక్కువా క్యాస్పర్ ఎక్కువా అని అడిగాడు. నేను ఇద్దరూ సమానమే అని చెప్పాను. దాంతో వాడు బాధపడ్డాడు. వాడికి అన్నీ నేనే. కానీ నేను అలా అనలేదు. అర్హాన్ నా సర్వస్వం. క్యాస్పర్ కూడా అంతే. ఎందుకంటే వాటి నుంచి మనకు నిస్వార్థమైన ప్రేమ లభిస్తుంది. నేను పెట్టే పోస్ట్‌లకు కామెంట్లు వస్తుంటాయి. కానీ నేను వాటిని పట్టించుకోను. నా గురించి తెలిసిన వారి గురించి మాత్రమే నేను ఆలోచిస్తాను. అన్నీ తప్పుగా అర్థం చేసుకుని కామెంట్స్ చేసేవారిని చూస్తే నాకు బాధేస్తుంటుంది. ఎందుకంటే వారు మానసిక సమస్యలతో బాధపడుతుంటారని నా అభిప్రాయం’ అని వెల్లడించారు మలైకా.

తనకు తన పెంపుడు కుక్కపై ఎంత ప్రేముందో ఈ రకంగా వివరించారు మలైకా. కానీ తన కుమారుడిని, కుక్కను పోల్చడం నెటిజన్లకు మింగుడు పడలేదు. కుక్కలంటే ఇష్టమున్నప్పుడు పిల్లల్ని కనడం ఎందుకు అని పలువురు అసహ్యంగా కామెంట్లు చేస్తున్నారు. అర్హాన్.. మలైకా మొదటి భర్త అర్బాజ్ ఖాన్ కుమారుడు. కొన్నేళ్ల క్రితం మలైకా, అర్బాజ్ విడిపోయారు. ఇప్పుడు మలైకా తనకంటే పదేళ్లు చిన్నవాడైన బాలీవుడ్ నటుడు అర్జున్ కపూర్‌తో డేటింగ్‌లో ఉన్నారు. త్వరలో వీరిద్దరూ పెళ్లి కూడా చేసుకోబోతున్నారు. తన పెళ్లి బీచ్ వద్ద జరుగుతుందని మలైకా తెలిపారు.

Leave a Reply

Your email address will not be published. Required fields are marked *